【母語字幕】公視獨立特派員｜一蕊華
話說，這是台灣無線電視台第一次用母語字幕。我們班的香港人說，香港早就用很多年啦！也對，看周星馳電影時，字幕不也「很奇怪」嗎？只是台灣很多事見怪不怪，卻是很多事無法突破「奇怪」。
這是公視在前幾天晚上播出的「獨立特派員」節目，這次是介紹台語歌手「一蕊華」（她的「花埕照日」部落格的台文章都是台語／華文對照喔），談她的台語歌創作、生活等等。節目並不長（其實沒有很深入），大家來感受一下什麼叫做台語字幕吧。又，據消息指出，這次台語字幕先以全漢字呈現，未來公視有機會也會朝能以羅馬字呈現的方向努力喔。
很多母語工作者在公視留言版為這次的製作加油。不過，我認為公視雖然製作了這個節目，但，從主持人最後那段結語可以聽出，公視終究還是個很保守的有線電視台，還是搞不清楚此時此刻何以復興母語的必要性，以及台灣在戰前原有的諸民族母語的「位階」為何在戰後急速下降的原因。
最近剛好讀著日本在明治維新之後的「言文一致」的歷史；總覺得無限心酸，台灣人在政治改革走的是體制路線，文字改革也是更多人選擇中國白話文。
也很剛好最近報告自己的研究計劃，關於戰前的日本和台灣的各種語文運動連結。一直以為台灣講的中國話就是台灣話的韓國人跟我說，原本已經放棄去台灣的念頭，聽完我的報告，又改變念頭很想去台灣，還問我一堆為什麼無法「突破」的問題。
更剛好，因為在國際中心上日語，認識一位來日本念經濟的年輕越南女生，我問她在越南的「言文一致」的過程；她說，越南被法國與中國的殖民的時間更長，雖然文字改革（用羅馬字）的過程遇到很多問題，但總算突破了，那，台灣應該沒問題吧。
啊，很剛好，但很難，不是嗎？
資料來源 ： 荒蕪別坵穡 http://blog.roodo.com/bichhin/archives/9322847.html
【公視。獨立特派員】一蕊華
看著家己出現佇電視，足袂慣習......
製作單位辛苦、辛苦！負責採訪的毓雯、huānn攝影機佮剪接的秉寰、出嘴出聲的土豆仁、「號外」寫甲予人足感心的東牧，以及我無相捌的其他工作人員──佇遮一併說多謝。
我佮大家仝款，攏是到收著「號外」的電子批才知，這集有上台語字幕，若像收著特別禮物，真歡喜，想袂到製作單位遮有心、遮進步。（噗仔聲閣開一罐〜〜）
製作單位第一擺拍台語字幕，難免有出tshê，熱心的網友已經斟酌鬥掠，我個人對影片內容，干礁有兩个所在需要提出來更正一下：
一位是我講的「落米仔」（lak-bí-á），字幕拍做「落尾仔」（lak-bué-á），意思佮音攏毋著去矣（客語的「尾」讀「miˊ」，音略仔偎）。「落尾仔」是假若吊車尾仝款、輸人忝忝綴人袂著，是「線型」的詞，但是「落米仔」是「粒」狀詞。
講「落米仔」無人捌，若講「米勒」的「拾穗」逐家一定攏知──「拾穗」就是法國人咧抾「落米仔」啦！台語的「白米」、「秫米」是正港的「米」；「番麥米」、「柚仔米」、「蝦米」、「茶米」，是取怹一粒一粒幼幼仔的外形，來鬥詞號名。
正港的「落米仔」，是收冬的時稻仔割了，一粒一粒落佇田裡的散粟仔。將這个意象閣延伸，彼種一粒一粒無佮人綁規綰的，嘛會當叫「落米仔」，譬如最近當咧大出的荔枝，一綰一綰綁媠媠，秤斤咧賣；另外有一寡仔，挽荔枝、綁荔枝的時落落來的，一粒一粒抾做堆積規籠的，就是荔枝的「落米仔」，有的水果擔會寫「落米」，用華語讀，抑叫是「糯米荔」臭乳呆。
一粒一粒零星（lân-san）的 ╱ 無hông綁做規綑的 ╱ 抑無比人較袂甜的 ╱（閣賣比人較俗的），就是好寶「落米仔」......
另外一位，是「全家就是你家」的笑話，這个「笑點」是恆春兮足久以前講過的，只是我彼工共鬥佇這个議題，而且應該是「我全家死光光」才三八三八接「『全家』就是『你家』」，笑點的理路較有順。
最後也是愛老實一下：攝影機的鏡頭，實在誠--殘--忍--矣矣矣矣，素蘭的大姐素顏我，看這支短片若久無照鏡略仔有驚著家己，若有美容造型公司願意拍台語發音的廣告，需要產品實驗者兼代言人，會當考慮喔──雄雄跳tone想起昨日佇麵店仔食麵配毋知thn̄g第幾擺第幾集矣的「我1定要成功」（以美容彩妝業為主題的本土劇），男主角鄭文德對病院出來，拄hông宣判著著「鼻咽癌」末期，轉去，緣投兄規仙人gâng-gâng，坐佇食飯桌邊，將伊對女朋友張美金講袂出嘴的心內話沓沓仔寫落來，寫完，閣自彼張批紙áu做一蕾玫瑰花，共絕望佮希望的文字攏包佇內底，溫柔浪漫的台灣查甫人像安呢有幾个？！......呀，台語文字化、台文書寫的重要性，佇這款「愛」佮「死亡」交會的真情時刻展上明──心內話規腹肚桶攏台語的人，筆寫出來是華語，敢毋是真怪奇？敢袂造成精神分裂佮「感統失調」？若是久年集體的精神分裂佮感統失調，敢無算介嚴重？...... 鄭文德彼張情書，彼蕾刺心的小玫瑰，內底寫的，到底是台語抑華語？
歹戲拖棚，無想寡新的戲齣來搬，實在袂得過。
資料來源 ： 花埕照日 http://blog.roodo.com/cit_lui_hoe/archives/9310209.html
板主 :
有洪瑞襄式民歌唱腔的台語歌手...王昭華，佇公視節目＂獨立特派員tok8 lip8 tik4 phi3 uan5＂的介紹畫面，上令人注目的是講台語的時，電視的字幕，是用台灣人扑拚努力，所逐步(tiok8 poo7)完成的台文漢字；這當然是所有關心台語文化發展的人，感覺真鼓舞的一刻。
雖然只是一个實驗性質的開端，但是萬事起頭難，有一開端，表示台語文字化，應該準備好了，會當因應未來無定可能的變局。
看台語字幕，其實無啥困難啦！
加唱幾首啊台語歌，看幾篇啊台語的詩詞文章，真緊就看有歌可能就加減會曉寫了。
花埕照日---王昭華的歌友誌，有時間會使泡一杯啊茶，一杯啊咖啡，靜靜啊看一蕊華用台文寫的生活感想，廳伊風格樸實的台語歌創作...
留言列表
