河洛人----＊海洋的子民＊

（板主撰寫）



我是一个好人客，一个人惦惦行入一間餐廳，餐廳內底的人員，若像無人看著我，無人共我扑招呼，嘛無人共我chua7(帶)位，但是我並無受氣；家己chue7一个位，坐落來。



經過一段時間，無人來共我倒一杯ㄚ水，嘛無人來問我欲點啥物菜，但是我並無受氣。




看著一位服務人員行過來，雖然伊看起來抑是若像無看見我，但我抑是主動共iat8手(招手)。過了一段時間，服務人員才看著我，總算有過來共我點餐囉。




我點一份牛排，擱共伊討一杯白滾水，伊並無問我牛排欲幾分熟的，但我抑是無受氣，總認為有衛生就好。



但是佇我去一cua7(趟)便所轉來，發現...衛生可能只是需要運氣的向望( ng3 bang 企求)。




菜...出了非常的慢，食完的空盤嘛無來收走，連滾水嘛無擱來加水，但我抑是無受氣，因為我是一个好人客。



佇用完餐，飲完飲料了後，我一个人惦惦(tiam7 tiam7 靜靜)摕著數單(siau3 tuann1 帳單 )去結數，然後行出餐廳。




雖然我是一个好人客，嘛並袂胡亂發脾氣，所以我只會惦惦ㄚ看，啥物話都袂講...



但是...即間餐廳，我後擺袂擱再來囉！





按 : 這是一篇有關服務業的行銷文章，本人用台文把它改寫過...