河洛人----＊海洋的子民＊

（板主編寫）


毒奶粉(ling1 hun2)風暴，傷害擴大，台中市知名个太陽餅店阿明師負責人林祺海(lim5 ki5 hai2)，下晡帶領員工，佇家己个店門口，摕牌抗議政府把關無嚴，波及(pho1 kip4)糕餅業，業績落七成以上，要求官員落台，並賠償營業損失。台中市糕餅公會理事長何澄祥(ho5 ting5 siong5)嘛講，業界有夠慘，建議政府全面回收毒奶粉相關產品，才會當慢慢恢復民眾信心。


台中知名太陽餅店阿明師負責人林祺海，帶領員工，在家己个店門口，摕牌抗議政府無能，予毒奶粉進口，連無用毒奶粉个業者都攏受牽連，林祺海講，伊店裡所使用个原料都是從紐西蘭、法國等地進口，煞受著毒奶粉風暴衝擊，營業額大落七成，店裡个員工無空課(khang1 khue3工作)做，只好做夥來抗議政府把關無嚴。林祺海指出，依照往例，糕餅業佇中秋後十日，業績就恢復一般水準，今年中秋節後有一段時間恢復平常業績，煞佇中國毒奶粉事件發生後，突然大落，要求政府賠償營業損失。(無用毒奶粉个糕餅業者，嘛受害，業績落七成，政府官員應該落台，賠償業者損失)


台中市糕餅公會理事長何澄祥嘛講，業界真艱苦啦！足艱苦个啦！政府確實應該負起把關無嚴个責任，除了處分使用毒奶粉个烏心商人，嘛應該透過補貼個方式，全面回收毒奶粉相關產品，予民眾慢慢恢復對糕餅業个信心。



資料來源 : 中廣新聞網








板主 :



台中地區是台灣餅業的重鎮，比如講...太陽餅,綠豆椪,鳳梨酥,牛舌餅,大甲餅等等...


另外，餅行大部分擱咧賣phang2(麵包)，擱再講像...珍珠奶茶啦,紅豆牛奶冰啦,咖啡啦...攏真時行...


這真儕食个物件，攏是日常生活當中脫離袂掉的...


自毒奶粉事件爆發，本底以為只是一个單純的＂烏心商品＂事件...想袂臵半個偌月來，影響的層面愈來愈大，才知影本底可能是咧看新聞的，即馬嘛是受害者。


就是講即半個月來，阮攏戇戇(gong7 gong7 傻傻)看，擱戇戇食...嘛毋知到底對身體有影響否？




憲法若像有講...＂人民有免於恐懼的自由＂



講實在的，本人自認為抗壓能力抑可以，但是自恁上任以來，我加油煞變做真神經質(sin5 king1 cit4)，有時抑擱有油通用，嘛就乾脆先去加予滿才安心...


前兩年ㄚ，台灣的股市，嘛只是＂漲不贏人家＂，但是即幾個月煞是＂跌不輸人家＂...


這毒奶粉事件，即馬舞甲＂人心惶惶＂，景氣已經真歹，看起來擱變做咧擾亂市場，予台灣的經濟...＂雪上加霜＂！




劉兆玄先生，聽講你會曉寫小說，擱嘛真浪漫，但是即種民生有關代誌，你看起攏＂放外外pang3 gua7 gua7漫不經心＂！




（戇面的，去請著哮呆的！）




阮台灣人有一句俗語...＂捧人的飯碗，就愛捧會起＂！



你有足欠錢否？...我毋知影，嘛不管啦！


趁人的錢，若趁袂倒（在民間企業的意思就是...不勝任啦）...卡巴結咧...緊家己離職啦（就是回去吃自己）！



死皮硬nua3(死皮賴臉)...你薪水照領，阮百姓煞愛提心吊膽！



做一个好功德，轉去共某囝顧予好就真gau5啊！




落台啦！



感恩hann～







按　：　零添加，政府應把關／學者：不能先吃毒藥 再吃解藥


清華大學化學系教授凌永健也表示，民眾在乎的是三聚氰胺不能添加在食品中，而不是吃多少的三聚氰胺，才會造成何種危害，就像人不能先吃了毒藥、再來說可吃何種解藥般，不能添加的東西，政府就應堅持及把關。


（自由電子報　http://www.libertytimes.com.tw/2008/new/sep/27/today-fo1.htm）