新男性的復仇 KTV版




影片來源 : YouTube網站 http://www.youtube.com/watch?v=K4vFEO_-UTE







新男性的復仇


作詞:吉董 作曲:吉董




想起汝(你 li2) 的暗瞑 一個人 惦底厝內睏抉去


我甲汝 已經歸(幾kui2)落年 落雨時 就會夢見汝



講好抉(無愛 buai2)擱想汝 抉擱愛汝 抉擱哥哥纏


為啥咪(物 mih8)一直想起 一直放抹離 



明知影汝是一個 無情的人 飄浪的個性 


為怎樣 為怎樣




(口白)


男:

做著男性 要緊頭一層 就是有志氣 阮失志的時候 受人恥辱(thi2 jiok8)  被所愛的人放棄 一時想要解決失戀的痛苦  

消極的人有的自殺 有的傷害對手 你看呢 每日的新聞報紙上  都寫著愛甲恨 毒殺 凶殺 自殺的記事  實在彼款是真憨的人 啊有影 我是來酒場喝酒  續(煞 suah4)來講著這款無趣味的話


女:

你這(cit4)位人客 請你不通按呢講 這是實在話 阮聽著真有趣味擱  

嘎(hann9) 看來你是一位 真飄泊(飄撇 phiau1 phiat4)的男子 你咁(敢 kam2)也會被女人放棄咧


男:

是 因為三年前 我呼(予 hoo7)一個女性來加(共 ka7)我放棄(放捨 pang3 sat4)  受著精神的打擊 應該是自殺去了 但是我再改變著人生觀  

當做失戀是一種好經驗 奮發努力 者(才 ciah4)有通來這酒場喝酒 甲(佮 kah4)你相識(熟似 sik8 sai7)


女:

呼(hann9) 三年前呼人放捨去什(是不 sim3) 啊有影 你一(即,這 cit4)位人客 不知什麼(啥物)大名呢


男:

我小姓姓林 林清華就是我本身



女:嘎 林清華 林清華先生就是你 噫阮真歡喜 你是真出名的人  

阮今暗會得甲(佮)你伴酒 大家相識 阮實在真光榮啦





講好抉擱想汝 抉格愛汝 抉擱哥哥纏 


為啥咪一直想起 一直放抹離



明知影汝是一個 無情的人 飄浪的個性 


為怎樣 為怎樣




男:

錦秀 你的名叫做錦秀 實在號得真好名  我今晚有帶著一張相片 就是三年前  失業呼人放棄的時候 所攝(hip4)的相片  

彼時我是無嘴鬚也無掛目鏡 而且身體致病 面肉消瘦  全然甲這袸(即陣 cit4 cun7)的面形不相同 這張相你看恰(卡 khah4)睜足(斟酌 cim1 ciok4)呢


女:

嘎 這張相 這張就是你 你 你就是明華


男:

哈哈哈哈 錦秀 不是阿桃


女:嘎(hann9)


男:

免著驚 今日來酒場飲酒 不是我的目的  我是專工要來尋你 這三年內賭著男子的志氣  

建設著我的地位 宣傳我的名聲  利用著我的成功甲發展 今日專工要來報復你啦  錦秀 不是阿桃 男性偉大的力量  你永遠唔通袂記著好 你請


女:

啊請等呢 明華明華


男:

什麼 愛錢什 愛錢即 彼腳(kha1)皮箱 彼腳攏總提去啦


女:

明華 啊請等呢 明華明華



參考資料

★☆歌詞轉載自『六一歌詞庫』  http://so61.com/






文夏-男性的復仇





影片來源 : YouTube網站 http://www.youtube.com/watch?v=ZRNNLlTD6x4






男性的復仇



原唱:文夏
翻唱:葉啟田


詞:洪德成 曲:許龍標



多情多恨 情慾的世界

男性復仇 怎樣你敢知



男口白:

做著男性要緊頭一層 就是有志氣

阮失志的時候受人恥辱 被所愛的人放棄

一時想要解決失戀的痛苦

消極的人有的自殺 有的傷害對手

你看呢 每日的新聞報紙上

都寫著愛甲恨 毒殺、凶殺、自殺的記事

實在彼款是真憨的人 啊~有影

我是來酒場喝酒 續來講著這款無趣味的話


女口白:

你這位人客 請你不通按呢講

這是實在話 阮聽著真有趣味哥

噯!看來你是一位真飄泊的男子

你敢也會被女人放棄什?


男口白:

是 因為三年前

我呼一個女性來加我放棄

受著精神的打擊 應該是自殺去了

但是我再改變著人生觀

當做失戀是一種好經驗 所以我奮發努力

者有通來這酒場喝酒 甲你相識


女口白:

呼!三年前呼人放棄去什嗯?

啊有影,你這位人客

不知什麼大名呢?


男口白:

我小姓姓林,林清華就是我本身


女口白:

喔?林清華?林清華先生就是你?

喔,阮真歡喜

你是真出名的人

阮今晚會得甲你伴酒

大家相識 阮實在真光榮啦



男唱:


於情於愛 這款不應該

三年仇恨 永遠在心內


男性仇恨 鎮靜在心內

等待時機 以德報伊知



男口白:


錦繡 你的名叫做錦繡

實在號得真好名


錦繡 我今晚有帶著一張相片

就是三年前

失業呼人放棄的時候 所攝的相片

彼時我是無嘴鬚 也無掛著目鏡

而且身體致病 面肉消瘦

全然甲這時的面形不相同

這張相你看恰深究耶


女口白:


嗄!這張相!這張相就是你?

你、你就是明華?


男口白:


哈哈哈哈!

錦繡,不是,阿桃!


女口白:

嗄?


男口白:

免著驚

今日來酒場飲酒 不是我的目的

我是專工要來尋你

這三年來賭著男子的志氣

建設著我的地位、宣傳我的名聲、利用著我的成功甲發展

今日專工要找你報復啦!

錦繡!不是,阿桃!

男性偉大的力量 你永遠不通袂記著好你請!


女口白:

啊,稍等呢、稍等呢!明華~ 明華~


男口白:

什麼?愛錢什?愛錢即!

彼腳皮箱,彼腳皮箱攏提去啦!


女口白:

明華,啊請等呢!

明華~ 明華~



男唱:

為著人類 女性著警戒

不通陷害 英雄的將來










板主:



非常令人感動的一首歌...


董事長樂團將文夏老師早年的"男性的復仇"的內容佮口白,改編做即首"歌唱真感情,口白足詼諧(khue1 hai5)"的"心男性的復仇"...




如果你若有聽過文夏老師的版本,共款的趣味的口白,文夏老師抑是一貫的正經,但是描寫當年的社會漸漸開放,男女之間的愛情...自主擱矛盾...


男性對感情反背的反擊,抑擱建立在經濟的基礎...


敢真正男性重自尊,女性重虛榮?




吉董的...即首歌唱來真有感情。


如泣如訴的感覺,歷盡滄桑的無奈...


啊...真使人感動萬分!




MV內底的明華佮錦秀,舞台式的表演,ka7即首屬於台灣人早期男女的離離愛愛相映成趣...


正港台灣人傳統價值觀的氣味...讚!





我毋知影恁聽了兩種版本的感覺如何?!


但是我所會當體會的是...袂少受著制式教育出來的人,對事事項象的欣賞角度非常的狹隘(hip8 eh8)...


淺氣(chian2 khui3膚淺)...無淺氣...


應該家己先磅看覓...





就親像一時的放蕩,嘛掩kham3袂著伊內在的才華!


淺氣的好惡,只是顯現出你扑手銃的自慰心態...
arrow
arrow
    全站熱搜

    lovepuppy999 發表在 痞客邦 留言(0) 人氣()