河洛人----＊海洋的子民＊

黃乙玲-人生的歌




影片來源 : YouTube網站 http://www.youtube.com/watch?v=2dzebYfqtvo








人生的歌



詞/曲：李秉宗 　編曲：陳飛午




口白:


假使你問我　人生為著啥


我會講為三頓　為生活　甲(佮kah4)為某子(囝kiann2,kann2)


但是看別人的臉色　配合別人的心晟(情ciann5)


這是唯一的條件　有人認為這是為生活


嘛有人認為這是一種拖磨(thua1 bua5)


因為已經很(真cin1)久不知影笑容生做按怎


開始懷疑故事中的主角　到底甘(敢kam2)是我


因為你嘛知影　咱攏是為別人在(咧leh0,teh0)活





演唱:



愛唱一首歌　一首有頭無尾的歌


有時快樂　有時悲傷　有時只剩(chun1)孤單


愛像一首歌　紀錄咱的心晟(情)甲(佮)生活


有時清醒　有時懷疑　人生到底　為著啥



回過頭去看　熊熊(雄雄hiong5 hiong5)才知影


咱的舞台　愛用青春來換


回(斡uat8)過頭去看　人生過未(袂be7,bue7)一半


煞(suah4)不(m7)知如何來唱這條歌



這首歌唱啊唱未煞　往事一幕幕親像電影


有時陣為著渡生活　就愛配合別人心晟


這(即cit4)首歌唱甲(kah4)心攏破　一字一句攏是拖磨


因為沒(無bo5)人知　我的心　有多(偌jua7,gua7)痛



因為你嘛知　咱永遠　為別人在(咧)活









板主 :




即首黃乙玲的都會式的情歌，我捌聽過...



但是上頭前的彼段口白，是最近佇＂毛毛的部落格＂才聽過...



其實一開始聽，因為無蓋注意，所以並無啥感覺...



但是後來詳細聽，愈感覺口白的內容，佇音樂的催化之下，將男性深深藏在內心的情緒，完全甲iah3(挖)出來...





在現在即个社會，凡事講究所謂＂男女平等＂或者＂女男平等＂...


這咱絕對無反對的...





但是感覺上，在社會過渡的操作之下，顛倒予男女的關係，比以早的時代，擱卡緊張，嘛增加擱卡濟無必要的糾紛...



當然在傳統上，男性因為源於大自然的天性，就算是組織著家庭之後，在外＂沐沐泅＂的情況嘛是避免不了...



這當然不是咧講啥物＂合理化＂啦！




只是個人生活上的體驗，男性擱安怎＂匪類＂，心總是甲家庭縛做鬥陣...



牽手...永遠就是別人代替袂掉的無上地位...





唉...男性在家庭生活佮社會交陪的傳統壓力，往往不是女性所會當去理解的...






過去的女性...被形容＂目洒只會當吞在腹肚內＂...




啊～現代的女性...是＂十八般武器攏總來＂...





敢真正男性攏是＂放某、放囝的薄倖郎＂？



現在只看著多是女性＂虛花、自憐翹頭妝＂...






男性重的是＂家＂...



女性只愛的是＂人＂...






根在何處？



到底是＂家＂？


抑是＂人＂？