close
板主 :
以早台灣人的社會講究”男子漢大丈夫lam5 cu2 han3 tai7 tiong7 hu1 ”，所以在”重男輕女”的農業生產社會，查某人的上主要的角色，就是...
”傳宗接代”，生囝啦！
但是娶入來的新婦(sin1 phu7媳婦)，當然無可能攏是干單”食飽閒閒等生囝”；除了奉待大傢倌(ta1 ke1 kuann1公婆)打理厝內大大細細的家事之外，嘛著鬥做一寡像飼豬、飼雞、種菜的副業，講起來”勞心勞力”的付出，絕對袂輸予查甫人。
甚至已經”有身大腹肚u7 sin1 tua7 pak4 too2懷孕”嘛無通真正好好休息待產，如果身體若真勇健抑是調理了袂歹，按呢，生產的過程若無意外，可能就會順順利利。
生產了後，以台灣人的風俗，就是用麻油雞酒來幫贊產婦，恢復生產過所流失的營養佮元氣。
但是因為以早的醫療水準佮環境衛生攏抑卡不比現代，如果待產的過程當中，產婦因為體質卡差，抑是保健卡無注意，就有可能生產時發生困難，往往就造成生命的危機。
所以佇台灣人的觀念內底，生囝若親像是過一个關卡，順利就做”阿母”，無順利就遊地府...
因此台灣有一句俗語講做...
”生會過，食麻油酒芳；生袂過，四片棺材枋”。
佇遮，向天下間辛苦偉大的查某人，獻上咱的祝福佮敬意！
全站熱搜
留言列表
