巫義淵
這段時日教育部為欲推行台語文字漢羅政策，真濟學者專家攏跳出來發表家己的看法，對這個政策的推動，批評的比 o-ló(呵咾＝讚美)較濟。民主社會甚麼人攏會使得有意見，總是，台灣語文以及羅馬字，百幾冬來受盡外來政權的踐踏、壓制佮查禁，一直攏無法度有家己的主張抑是得着官方的幫贊，自從李登輝解放台灣以來，台灣語文問題已經爭論十數冬，敢會使得繼續爭論落去？向望大家三思。
本人研習台語常用漢字三十外冬，目前逐日猶用八點鐘以上的時間繼續咧研習，雖然到今仔日猶是一知半覺無所成就，總是論台語漢字讀音方面，本人的了解應該是一般水準以上，相信漢字讀音的問題，不是一般社會人士無了解但定[nā-tiāⁿ]，連多數學者專家亦佮我共款「一知半覺」，這亦是台灣社會普遍存在的嚴重問題，教育當局有需要用羅馬字來做適度的調和佮補救。
有人講ABC 是外國的文字，提來台語使用無合軀[ha̍h-su]，若按呢講漢字敢是臺語文字？台灣人有偌濟純漢人，台灣的話(包含客話原住民語)敢是純漢語，它佮漢語有偌大的淵源？用這幾點來思考就會當了解漢字嘛是借來的。敢有人曾想着：自動車、飛行機，電話、電火、電風、冷氣、電視、電腦等等千百項，無一項不是對外國搬過來的，為甚麼大家攏用到彼呢歡喜，甚至無時不刻攏無法度離開這寡國外提來的文明！敢講華語不是外來語？大家攏嘛是咧講咧用；英語嘛是外國來的，為甚麼大家攏欲學，這寡專家攏咧使用嘛無人敢反對，凡種種言行就會當看出真濟人的無正常心態。
漢字使用上確實有真濟費氣(麻煩)的所在，除了真濟在地話佮外來語，無法度用漢字書寫以外，就算是漢語的漢字亦共款真歹分別清楚，下面舉幾個讀音例來請教各位漢學專家。
追繳，矰繳，袞繳，品質，人質，樹林，樹人，肯定，肯綮，畫圖、
畫分，繆種、繆然、繆絰，實施、布施、施然，奧妙、奧神、奧熱，
殄瘁、殄滅、暴殄、自首，借錢、借機、借故，推薦、推辭、推掠。
頂面這三十句讀音，台灣兩千三百萬人，有幾個人分別會清楚？若用羅馬字來寫，相信每一個人攏會曉分到足清楚。漢字有數萬字，類似這款的字詞數量算不清，筆者手邊的常用字，亦有上千句。據專家研究報告，一個人若欲精通漢字，大約愛費心三四十冬，這是一個不爭的事實，莫怪中國會將漢字簡化，相信有伊的道理存在。個人的感覺，使用羅馬字就親像人的目chiu 無好，就配一枝目鏡來掛，耳孔若重，就買一個助聽器來用，共款，漢字無夠用抑是過頭深奧be-hiau寫，就用羅馬字來補助，漢字若攏不識，就攏總用羅馬字來寫，按呢有甚麼不好？為甚麼有彼呢濟人欲反對？個人真僥疑這寡人究竟是愛台灣好抑是愛台灣倒？
羅馬字發音基礎是拉丁文的變化，發音具國際性的，目前的國際學術名稱，包括醫學、化學、動植物學等，多數猶是使用拉丁文(羅馬字)，所以使用羅馬字欲國際接軌抑是學英語、日語、西班牙語等國際語言非常容易，用其他的物件發音就無法度正確清楚。比喻有人講：b ＝ㄅ，d ＝ㄉ，g ＝ㄍ，是無正確的，除了中國佮台灣以外，無論是英語、西班牙語、意大利語等攏無這款的讀音。本人一向的主張，外國的語言無標準無要緊，家己的語言一定愛標準，但是真濟人卻本末倒置，in 主張中國話愛正確、英語愛標準，台語聽有就好，哀哉！這是甚麼款台灣人的社會？
這幾冬來有人咧講，伊若去菜市仔，看着雞販仔的籠\仔底，內面的雞有的咧啼、有的咧相扑，就想着台灣語文的問題，死在臨頭猶咧自我陶醉抑是製造問題來互相鬥爭，敢講人佮雞的智慧是無差別的？台灣猶一的怪現象，就是真濟人足愛發明字，發明一寡 kusopitlo (龜唆必羅＝不倫不類)佮社會脫節的文字來擾亂台文，有人將沿用百外冬的羅馬字提來改幾字，另立門派，亦有人將中國的漢語拼音抄襲來改個幾字，利用政治手段來縱橫全台，這寡人家己不認真來了解台語，卻發明真濟台語漢字來宣揚 in 的權威性，若遇着門派無共的人，就大肆來反擊批評，這款的情況絕對不是台灣之福，而是會禍害台灣的族群文化。向望大家關愛別人，疼惜台灣，尊重目前教育部的專家。2004.06.17
板主觀點 : 咱台灣有袂少所謂个台語文个推廣者, 將台語推廣个重點放在"文讀音", 講這就是台語叫做"河洛話"个原因, 這種外來文化加諸語言負擔的枷鎖, 日本.韓國以及越南不是也一整套嗎?又能說明啥?
不過這種外來的枷鎖已經束縛入肉了, 要推廣原本無可厚非, 可笑的是竟然是藉著跟自身文化無直接關係的唐詩宋詞甚至論語及三字經, 在重蹈古早福佬讀冊人鄙棄發揚自身文化的覆轍, 捨棄文讀音已深植的戲曲及本土風物竹枝詞不用, 心態可議.
尤其現時台語文化最大的危機是"文化認知錯亂", 導致本族文化已漸向萎縮之虞, 不從自家文化著手, 釐清文化認同, 台語文字化將隨著語言使用者日益減少而成幻影, 我輩中人實須深慮....
這段時日教育部為欲推行台語文字漢羅政策，真濟學者專家攏跳出來發表家己的看法，對這個政策的推動，批評的比 o-ló(呵咾＝讚美)較濟。民主社會甚麼人攏會使得有意見，總是，台灣語文以及羅馬字，百幾冬來受盡外來政權的踐踏、壓制佮查禁，一直攏無法度有家己的主張抑是得着官方的幫贊，自從李登輝解放台灣以來，台灣語文問題已經爭論十數冬，敢會使得繼續爭論落去？向望大家三思。
本人研習台語常用漢字三十外冬，目前逐日猶用八點鐘以上的時間繼續咧研習，雖然到今仔日猶是一知半覺無所成就，總是論台語漢字讀音方面，本人的了解應該是一般水準以上，相信漢字讀音的問題，不是一般社會人士無了解但定[nā-tiāⁿ]，連多數學者專家亦佮我共款「一知半覺」，這亦是台灣社會普遍存在的嚴重問題，教育當局有需要用羅馬字來做適度的調和佮補救。
有人講ABC 是外國的文字，提來台語使用無合軀[ha̍h-su]，若按呢講漢字敢是臺語文字？台灣人有偌濟純漢人，台灣的話(包含客話原住民語)敢是純漢語，它佮漢語有偌大的淵源？用這幾點來思考就會當了解漢字嘛是借來的。敢有人曾想着：自動車、飛行機，電話、電火、電風、冷氣、電視、電腦等等千百項，無一項不是對外國搬過來的，為甚麼大家攏用到彼呢歡喜，甚至無時不刻攏無法度離開這寡國外提來的文明！敢講華語不是外來語？大家攏嘛是咧講咧用；英語嘛是外國來的，為甚麼大家攏欲學，這寡專家攏咧使用嘛無人敢反對，凡種種言行就會當看出真濟人的無正常心態。
漢字使用上確實有真濟費氣(麻煩)的所在，除了真濟在地話佮外來語，無法度用漢字書寫以外，就算是漢語的漢字亦共款真歹分別清楚，下面舉幾個讀音例來請教各位漢學專家。
追繳，矰繳，袞繳，品質，人質，樹林，樹人，肯定，肯綮，畫圖、
畫分，繆種、繆然、繆絰，實施、布施、施然，奧妙、奧神、奧熱，
殄瘁、殄滅、暴殄、自首，借錢、借機、借故，推薦、推辭、推掠。
頂面這三十句讀音，台灣兩千三百萬人，有幾個人分別會清楚？若用羅馬字來寫，相信每一個人攏會曉分到足清楚。漢字有數萬字，類似這款的字詞數量算不清，筆者手邊的常用字，亦有上千句。據專家研究報告，一個人若欲精通漢字，大約愛費心三四十冬，這是一個不爭的事實，莫怪中國會將漢字簡化，相信有伊的道理存在。個人的感覺，使用羅馬字就親像人的目chiu 無好，就配一枝目鏡來掛，耳孔若重，就買一個助聽器來用，共款，漢字無夠用抑是過頭深奧be-hiau寫，就用羅馬字來補助，漢字若攏不識，就攏總用羅馬字來寫，按呢有甚麼不好？為甚麼有彼呢濟人欲反對？個人真僥疑這寡人究竟是愛台灣好抑是愛台灣倒？
羅馬字發音基礎是拉丁文的變化，發音具國際性的，目前的國際學術名稱，包括醫學、化學、動植物學等，多數猶是使用拉丁文(羅馬字)，所以使用羅馬字欲國際接軌抑是學英語、日語、西班牙語等國際語言非常容易，用其他的物件發音就無法度正確清楚。比喻有人講：b ＝ㄅ，d ＝ㄉ，g ＝ㄍ，是無正確的，除了中國佮台灣以外，無論是英語、西班牙語、意大利語等攏無這款的讀音。本人一向的主張，外國的語言無標準無要緊，家己的語言一定愛標準，但是真濟人卻本末倒置，in 主張中國話愛正確、英語愛標準，台語聽有就好，哀哉！這是甚麼款台灣人的社會？
這幾冬來有人咧講，伊若去菜市仔，看着雞販仔的籠\仔底，內面的雞有的咧啼、有的咧相扑，就想着台灣語文的問題，死在臨頭猶咧自我陶醉抑是製造問題來互相鬥爭，敢講人佮雞的智慧是無差別的？台灣猶一的怪現象，就是真濟人足愛發明字，發明一寡 kusopitlo (龜唆必羅＝不倫不類)佮社會脫節的文字來擾亂台文，有人將沿用百外冬的羅馬字提來改幾字，另立門派，亦有人將中國的漢語拼音抄襲來改個幾字，利用政治手段來縱橫全台，這寡人家己不認真來了解台語，卻發明真濟台語漢字來宣揚 in 的權威性，若遇着門派無共的人，就大肆來反擊批評，這款的情況絕對不是台灣之福，而是會禍害台灣的族群文化。向望大家關愛別人，疼惜台灣，尊重目前教育部的專家。2004.06.17
板主觀點 : 咱台灣有袂少所謂个台語文个推廣者, 將台語推廣个重點放在"文讀音", 講這就是台語叫做"河洛話"个原因, 這種外來文化加諸語言負擔的枷鎖, 日本.韓國以及越南不是也一整套嗎?又能說明啥?
不過這種外來的枷鎖已經束縛入肉了, 要推廣原本無可厚非, 可笑的是竟然是藉著跟自身文化無直接關係的唐詩宋詞甚至論語及三字經, 在重蹈古早福佬讀冊人鄙棄發揚自身文化的覆轍, 捨棄文讀音已深植的戲曲及本土風物竹枝詞不用, 心態可議.
尤其現時台語文化最大的危機是"文化認知錯亂", 導致本族文化已漸向萎縮之虞, 不從自家文化著手, 釐清文化認同, 台語文字化將隨著語言使用者日益減少而成幻影, 我輩中人實須深慮....
全站熱搜
留言列表
